пепелашка

Ќе се скине јажето
оптегнато меѓу љубовта и омразата
без договор ќе се сретнеме
на истото место, во истото време
ќе ми речеш дека отсекогаш си ме сакал
ќе ме убедуваш дека сме посилни
од сите злобни луѓе
но ти си човек што често и многу греши
а јас и онака сум програмирана
да не простувам лесно
со прст ќе ти ја покажам вратата
магијата ќе згасне на полноќ
Пепелашка ќе си оди
само со картонски чевли
така е во бајките
така е во реалноста.