srijeda, 27. svibnja 2015.

нов почеток

Го крстив денот 
ќе се вика нов почеток
ќе речам се што е недоречено
ќе направам се што не било сторено 
душата ќе ја поделам со прегради 
ќе се збогувам со луѓето што носат маски 
завршува денот 
што го крстив по сопствено убедување
како парче леб ќе го ставам во торбата 
ќе го носам со мене
оти е нов почеток
почеток за сите нас. 

srijeda, 20. svibnja 2015.

бел лист хартија

Истурам кафе 
на хартија што дише
бел лист како разбој
на него ткаам судбини
бел лист како пајажина
од стихови во совршенство наредени
бел лист како бело знаме
со белина на снег украсено 
истурам гнев на хартија што дише
еден сосема обичен бел лист хартија. 


subota, 16. svibnja 2015.

ме скршивте

Влеговте во мојата темна страна 
без причина ме скршивте
фрливте сите по едно копје 
врз мојата кадифена душа
тажното небо ми го скроивте 
ми го ставивте над глава
ми ги земавте воздухот и водата
ми го заспавте срцето
да не чувствувам болка
на ситни парчиња
безмилосно ме скршивте, 
а јас ќе замижам 
и ќе простам како секогаш.


četvrtak, 7. svibnja 2015.

ми се скрши часовникот

Ми се скрши часовникот
останав млада
и заробена во времето
почнав внатрешно
да венам и умирам
ми ставаа камења во лебот
за да не поминам лесно
во овој тежок живот
ми се скрши часовникот
уште собирам парчиња
под нозете на другите
за да го составам
 и продолжам понатаму.