petak, 15. lipnja 2012.

на што да те потсетам?

На што да те потсетам
на имитација од ѕвездено небо 
или на вистинска душа од памук
на мојата добра интуиција
или на вината што не ја признаваш
на илјада копја фрлени без причина
или на прегратки што младоста 
ја ставаат во мирување
јас направив се за да не угодам на другите 
а сега кажи на што да те потсетам?

utorak, 12. lipnja 2012.

бегање од огледала

Тој што свесно ме излажал 
нека бега од огледала 
јас ќе си го видам лицето
во мојата проѕирна дланка
сама на себе ќе си шепнам 
дека е доста од површни контакти
и во капка вода ќе си ја измијам душата 
на песок ќе ја фрлам негативната енергија
што врз мене ја истураат
тој што намерно ме разочарал 
нека бега од огледалата, 
од луѓето, од божјата казна и од себе.

subota, 2. lipnja 2012.

кој си ти?

Кој си ти 
од каде доаѓаш
што бараш во ова срце полно со лета 
како ме најде скриена во мракот
кој си ти што молчиш
ти што носиш пурпурни дождови во мислите 
ќе бидеш гостин или домаќин 
ќе станеш пријател или предавник во низа
кој си ти 
и што носиш со себе и во себе?