Исплачи се
тебе ќе ти биде полесно
а јас ќе имам
со што да ги полевам цвеќињата
покажи ја својата слабост
во мојата мала соба
распостелај ја твојата завеса од солзи
претворена сум во уво
ќе те ислушам
и нема да ти дадам совети
од кои можеш да полудиш
исплачи се
ќе ти биде полесно
а луѓето од црниот континент
ќе се радуваат
затоа што одамна не виделе дожд.
Nema komentara:
Objavi komentar