добронамерна

Ме мачи главоболка

ми тежат промашувања

се плашам дека ќе бидам добра

но не и најдобра

треперам од помислата

дека слатките маки

нема да ме донесат

до никаков пиедестал

се срамам од комплименти

и лажни ветувања,

а само дождот

ми компонира приспивна песна

затоа што сум добронамерна

затоа што имам

две прозрачни сонца во душата

и така ќе биде

се додека духот не ми остари.