Немој да ми простуваш
затоа што те гледам
преку мрежа од цветови
преку овој прозорец
ишаран од мраз.
Немој да ми простуваш
затоа што младоста
со сласт ја изедов
како зрела лубеница.
Во вистинско време
ти дојдов ненајавена
се потпишав со лажно име
ти продадов мувлосани приказни
а сепак бев добредојдена.
Немој да ми простуваш
затоа што со магија
прочитаните книги
во банкноти ги претворив
и заминав
таму каде булките
сами букети прават.
Nema komentara:
Objavi komentar