очите ќе војуваат

Ќе ја тргнам завесата
очите ќе војуваат со темнината
со потешкотии ќе склопам строфа од памук
ќе поставам мостови од копчиња
каде ќе се сретнат спротивставени зборови
ќе пишувам нестварно
ќе си допуштам стихови во низа
радоста и тагата ќе бидат близнаци
но ќе ја тргнам завесата на разденување
бидејќи тогаш и само тогаш
очите ќе војуваат со светлината.