кога бев мала

Кога бев мала 
сакав да застанам до големите 
да ги совладам сите животни замки 

желбите што ги замислив и измислив 
како шарени пеперутки одлетаа на небото
сфатив дека моето знаење 
е само трошка фрлена во тепсијата на месечината 

кога бев мала 
сакав да пораснам
да бидам подобра и помудра од другите

а сега посакувам да сум дете 
и го ценам детството 
како што сиромавиот ги цени парите.